Նապոլեոն Բոնապարտին ներկայացնելու առանձնապես կարիք չկա։ Պատմության ընթացքում քչերին է բախտ վիճակվել այդպիսի ազդեցություն թողնել պետությունների և մարդկության զարգացման վրա։ Նապոլեոնի պատմական ժառանգության շուրջ մինչ օրս վիճում են աշխարհի տարբեր ծայրերում ապրող քաղաքական գործիչներ և իրավաբաններ, ինժեներներ և արվեստագետներ։

Մեկ բան ակնհայտ է՝ Բոնապարտի արտառոց անհատականությունը արտահայտվում էր նաև իր նամակներում և խոսքերում։ Ձեր ուշադրությանն ենք ներկայացնում [80օր] – ի կողմից տարբեր աղբյուրներից ընտրված նրա արտահայտությունները, որոնք միգուցե և թույլ կտան մեզ ավելի լավ փորձել հասկանալ Նապոլեոն Բոնապարտ քաղաքական գործչին և մարդուն։

  • Իմ կարգախոսը միշտ եղել է` “la carriere est ouverte aux talents”, այսինքն կարիերա անելու համար կարևոր է միայն տաղանդը, կապ չունի՝ ինչ ընտանիքում եք ծնվել կամ որքան գումար ունեք։
  • Երբ փոքր մարդիկ մեծ գործեր են ձեռնարկում, վերջում նրանք այդ գործերը միշտ փոքրացնում են իրենց ցածր մակարդակի համապատասխան։
  • Ի՞նչ է գահը – ընդամենը թավշյա կտորով զարդարված փայտ։
  • Երբեք մի ընդհատեք ձեր թշնամուն երբ նա սխալ է գործում։
  • Սիրո մեջ միակ հաղթանակը փախուստն է։
  • Հոյակապը ծիծաղելիից մեկ քայլ է բաժանում։
  • Հայրենասիրությունը քաղաքակիրթ մարդու առաջին արժանիքն է։
  • Երբ ենթասպա լինելու պատիվ ունեի, ես չոր հաց էի ուտում, սակայն երբեք ոչ ոքի ցույց չէի տալիս, որ աղքատ եմ։
  • Պատերազմում, ինչպես և մարմնավաճառների մոտ, ոչ պրոֆեսիոնալները շատ հաճախ ավելի նախընտրելի են։
  • Հիմարը մի մեծ առավելություն ունի խելացի մարդու նկատմամբ. նա միշտ գոհ է իրենից:
  • Քաղաքականությունը սիրտ չունի, միայն ուղեղ։
  • Քաղաքականության մեջ պետք է լինես կամ աղվես կամ առյուծ։ Ամբողջ գաղտնիքը կայանում է նրանում, թե երբ որը լինես։
  • Ինձ արթնացրեք միայն վատ լուրերի դեպքում, և ոչ մի դեպքում, եթե դրանք լավն են։
  • Ես ոսկու մեջ ողողեցի իմ աջակիցներին, սակայն ես պետք է հասկանայի, որ հարուստները արդեն չեն ցանկանում իրենց կյանքը վտանգի ենթարկել։
  • Երևակայությունն է կառավարում աշխարհը։
  • Աշխարհի ամենաազդեցիկ բանախոսը հաջողությունն է։
  • Սեփական բանակը կերակրել չցանկացող ժաղովուրդը շուտով ստիպված կլինի կերակրել ուրիշինը։
  • Սրերով կարող ես ամեն բան անել, բայց չես կարող նրանց վրա նստել։
  • Վատերլուն իմ քառասուն փառահեղ հաղթանակների հիշողությունը կջնջի, սակայն ոչինչ չի կարող ջնջել իմ Քաղաքացիական օրենսգրքը։ Այն կապրի հավերժ։

Քանի որ Դուք այստեղ եք…
 … Մենք ժամանակ ու եռանդ չենք խնայում ձեր ուշադրությանը ամենաօրիգինալ նյութերը ներկայացնելու համար։ Գովազդային որևէ եկամուտներ չունենալով՝ [80օր] նախագիծը ֆինանսավորվում է միայն հիմնադիրների անձնական միջոցներից և մշտապես ունի մեր ընթերցողների աջակցության կարիքը։

Նույնիսկ ամսական 1 ֆրանսիական լուիդորը (1000 դրամ) կօգնի մեզ կարկատել մեր առագաստները և շարունակել ճանապարհորդությունը։ Շնորհակալություն։

Մեր համատեղ արկածներին ձեր լուման կարող եք ներդնել հետևյալ եղանակներով․
1. Կատարելով քարտային փոխանցումներ ArCa համակարգով։
քարտի համար 5501 0401 0009 7350 (GAREGIN HARUTYUNYAN)
2. Բաժանորդագրվելով PATREON-ում այս հղումով
3․ Tellcell կամ EasyPay տերմինալից լիցքավորելով idram էլեկտրոնային դրամապանակի 342828668 հաշիվը։
4. PayPal։ garegin1@gmail.com

(այդպես էլ կա, ժամանակակից Ֆրանսիայի օրենքները մեծ մասամբ խարսխված են Բոնապարտի ստեղծած համակարգի և Քաղաքացիական օրենսգրքի վրա)

Այս զինվորը, մտածեցի ես, պետք է ընկերներ ունենար տանը և իր դասակում, սակայն նա պառկած է այստեղ, բոլորի կողմից լքված. միայն իր շունն է նրա կողքին։ Ես՝ որ առանց հուզմունքի անցել էի ազգերի ճակատագրեր որոշող ճակատամարտերով և հազարավոր մարկանց մահվան բերած հրամաններ էի արձակել, կանգնած էի այդտեղ հուզված և ցնցված, արցունքներն աչքերիս: Եվ ո՞րն էր իմ հուզմունքի պատճառը՝ մի շան ողբ։

Նապոլեոն Բոնապարտը գրել էր այս հուշը մեկ մարտից հետո` լուսնի լույսով ողողված արյունոտ դաշտում ականատես լինելով, թե ինչպես է շունը լպստում զոհված տիրոջ դեմքը և ոռնում անկարողությունից։ Այս տեսարանը նրան կհետապնդի մինջև կյանքի վերջ։